CHATUAN RAM

Chatuan hi thil rei zawng sawina a ni a; chatuan nunna tih erawh chu a rei zawng te, a \hatna leh

a hlutna sawinate a ni (Joh. 5:24). Pathian chu Chatuan mi (Hab. 1:12), Chatuan Pathian (Gen. 21:33), Chatuan ata Chatuan thleng pawha Pathian a ni (Sam 90:2). A ram chu ram hlun (Dan. 4:3; 7:27), Chatuan ram tur a ni (Sam 145:13); tawp chin nei lo, danglam ngai lo a ni (Rom 16:26). Chatuan nunna chu khawvel awm hmain Pathianin a tiam tawh a (Tit. 1:1,2; I Joh. 2:25), chu chu Isua Krista ringtu apiangte hnênah pêk a ni (Joh. 3:16; 5:24). Isua Krista thisen intu chuan chatuana nunna chu a nei tawh (Joh. 6:54); a nun ngaitlawm chuan chatuan nunna chu a vawng reng ang (Joh. 12:25). Chu ram chu amah ringtute zingah (hnenah) a awm tawh sa reng a ni (Lk. 17:21).

Pathian awmna hmun apiang hi chatuan hmun, a ram chu a ni tiin a sawi theih bawk ang. Chu chatuan ram, Pathian ram chu Pathian ringtute chuan an luah kumkhua ang (Isa. 60:21). He khawvelah Isua Krista ringtuten an luah \an mêk a (Joh. 5:24), an thih hnuah pawh an la luah zel dawn a, chu chu Isuan hmun a siam kha a ni (Joh. 14:2,3). Chu chatuan nunna chu kan nei a ni tih hriatna turin Johanan lehkha a ziak hial (I Joh. 5:13). Chu hmun, khawvel piah lama mi chu van, vanram tih a ni a (Mat. 4:17). Pathian arsite chung lama awm, inkhawmna tlâng, hmar tawp ret, chhum zinna piah lam, Chungnungbera awmna hmun chu a ni (Isa. 14:13). Hla siamtuten, ‘ram nuam kan hmuh ngai loh a awm’ an tih te, ‘lui ral mawi tak leh nuam tak’ an lo tih kha a ni a; ringtu - lei vaivuta muhil tawhte chan tur ram hlun chu a ni (Dan. 12:2). Chu ram chu khawvel a\ang hian kan thlir a, ngaiin kan rum \hin.

Easter Sunday Pual

"Chawimawina authawm a reh ta a, kheng bet rawh tiin mipui an auva" an sawisa a, sawichhiat leh tihnawmnaha a awm hnuin an khaikang a, 'Eloi, eloi, lama Sabakthani?' tiin ring takin a auva... a thlarau a thlah ta a. Misual pahnih karah khen behin a awm a, misual zingah chhiar telin i tan leh ka tan a thi a ni. Kan sualna leh bawhchhiatnate avangin kan tan Kraws-ah hliam nasa tak tuarin a thi a, chumi avang chuan nang leh kei hian chatuan nunna kan lo nei thei leh ta, a va ropui em! Hei vang hian a ni lawm ni ‘thih pawh hlawkna’ kan tih theih phah tak ni? Thihna hi nun nei tura kan kailawn anih avangin, nung tura kan thih theih nan inbuatsaihna hun kan neih chhung hian kan duhthlanna te hmang fimkhur ila, hlim taka Pa hnen kan thlen theih nan leh kawnga kan pen bo loh nan kan duhthlanna te hmang fimkhur ang u.

Keimahni kan inkhenbeh ve chiah hian a ni keimahniah Lapa chu chawimawiin a awm \hin ni. Sualna nei lo thihna chuan nun nei tawh lo tur ten nunna kan lo neih leh theih phah ta. Thia an sawi kha a ni thum niah a tho leh a. Kristian te tan chuan thawhlehna hi thawnthu mai ni lovin, a tak leh chungnungber, kan nun chhungril bera bet tlat a ni a. |awngkam fiah tak ai chuan thu ziak fiah lo tak pawh a rintlak zawk tih angin he thawhlehna hi ziak ngeiin a chuang a (Mk. 16:6). A thi a, a tho leh a, a thawhlehna hian khawvel tan bungthar a siam ang bawk hian kan thinlungah bung thar kai ve sela a va ropui lehzual dawn em! Mi dangte tan nun pe ila, ngaihdamna te, hmangaihna te, inpumkhatna ten kan nunah hmun luah khat sela. Kan tan a thi a, kei ni pawh atan nunga inpe thar zel tura kan rilru leh ngaihtuahna te hmang chung zelin Easter hlim takin i hmang \heuh ang u.

KRISTA KRAWS

Rev Thangzauva

Kraws hi Phoiniki-ho tihchhuah niin an sawi. Kraws hi chi thum awmin an sawi a: Andria Kraws (X), Anthoni Kraw (T) leh Latin Kraws (+). Isua khenbehna kha Latin Kraws hi niin sawi a ni. Rom- ho chuan Rom mi ni ve lo - sal te, tualthat te, suamhmang te, phiarrûk hmang te leh khua leh tui nihna phatsantute khenbeh nan Kraws hi an hmang \hin.

1. Misual thihna kraws Pathianin a thlang : Thinga khai apiang chu Pathian anchhedawng a ni (Deut. 21:23). Thil mak leh chhinchhiahna zawng kher \hin Judate tan chuan Kraws-a Pathian fapa khenbeh nia sawi chu rin ngaihna a awm lo; chutiang bawkin sual khawvela Pathian Fapa Kraws-a khenbeh chu finna zawng \hin Grik-te tan chuan thu atthlâk a ni.
Mifing mihrinna paihthlaa, remhre remhriatna paihthlak tumtu chuan Kraws chu a thlang miau si. ‘Mi fing mihrinna hianin, A ngaihtuah chhuak zo lo a che, Ka chhandamtu i thurûk hi’ tiin Pu Chawngkhupa pawhin hla a lo phuah a ni. Thuhril atthlâk hmanga ringtute chhandam hi Pathian chatuan thiltum a ni.

2. Nunna leh Chhandamna kraws chu : “Kei lei ata khaikanin ka awm chuan, mi zawng zawng keima hnenah ka hîp ang” (Joh. 12:32) titu Krista chuan Kraws thihna hmangin nunna leh chhandamna min pe (Joh. 3:14,150. Kraws chuan ringtute chu khawvél nen a tihrang ta a. Kraws chu ringtute tân Kraws chhuanawm a lo ni ta (Gal. 6:14). Khawvél nen an inkhengbet tawn ta a ni.

3. Kraws chu inremna a ni : Kraws-ah chuan palai \ha famkim Krista chuan remna sa-ui a rawn tan a. Van leh khawvel inkara inzawmna chat tawh chu a rawn suihzawm leh ta. Pathian nen kan inrem leh ta. A va lawmawm em! Chu Kraws chuan mihring leh mihring inkarah te, mihring leh thilsiam inkarah te remna a rawn siam ta. ‘Kalvari-ah an dang chuang lo ve’ tih angin, hausa leh rethei, mipa leh hmeichhia te pawh Kristaah chawhrualin kan awm. A va hlu em! Chu remna hmun Kraws a\ang chuan thil thlir ila, krista chu chawimawiin a awm ngei ang.

KUM THAR THUCHAH

Rev. Thangzauva

Hrilhlâwkna dàw-há leh suangtuahna dawrâwm, Nostagamus-an a mualphopui July 1999-ah khawvel hi tawpa, Lal Isua lokal tura a sawi te, Computer-in kum 2000 a hmu phâk lo tia an sawi lo thleng leh loi si te, leh Scientist tam tak timualphotu Dec. 21, 2012-a arsi thi Nibiru-in kan awmna lei dengchhe tura sawi, a dengchhe leh ta si lo te khan van leh khâwvel hi siama enkawltu Pathian kuta awm a nihzia a lantîr a. Amah ngei chuan kum 2013 kum tharah min lo hlangkai leh ta. Lawmthu sawiin a hnênah inhlan thar ila, keimahnia a tum tihlawhtling turin i inbuatsaih  ang u.
Kum thar hian engnge min tharpui dawn kan sawi lâwk thei lo. Billy Graham chuan, “Hun lokal turin engnge a kawl hre lo mah ila, hun lokal tur chu Pathianin a kawl tih ka hria”, a ti a. Lal Hezekia pawh khan “Ka dam chhung kum zawng zawngah chuan zawi tein ka kal dem dem tawh ang”, a lo ti bawk a. Amah ang hian fimkhur taka kal turin he kum thar hi i hmang ang u. Lal Davida angin Pathian kutah i tlu lut phawt mai ang.
Hnung lama thil awmte theihnghilha, hma lama thil awmte banin, hun kal tawha thil awmte khan kan nun hnûk hniam lo turin i inveng \ha ang u- kan thiltih \ha leh tihsual te, mualphona leh hlawhtlinna te pawh Setana thangah an chang thei si a. Hmasawnna kawng zawh turin inbuatsaih ila; thil \ha ti tur siamte hian ning lo leh inthlahdah lova thil \ha kan tih tlat chuan a rah \ha kan seng hun a la awm dawn. Zing tho hma sawt tur te, inkhawm taima sawt tur te, Baibul chhiar taima sawt tur te, \awng\ai taima sawt tur te; eng hna pawh thawk ila, kum kalta aia dik, taima, rinawm leh \angkai sawt tur te, midang tana biak nuam sawt tur te, chhungkaw tan leh midang tana \ha sawt tur tein rilru siam ila a va \ha dawn em! Chutih laiin kumhluia kan thil chin \ha lote bansanin kumhlui khán liampui rawh se.
Mahni chenpui chhûngte leh chhûngkhat lainate hmangaiha ngaihsak sawt tur te, kohhran thil a ni emaw, eng hna pawh thawk ila- thawhpui nuam ni sawt tur te, midangte hrethiama \anpuitu \ha leh \angkai ni turin rilru siam thar ila. Hun vawng dika, hmang \ha lehzual turin ruahmanna fel tak siam ila a va \angkai dawn em! Engtik lai pawhin Siamtu Pathian- hun min petu hriatpui tlakin Kum 2013 hi hman \heuh i tum ang u.

I hun tithianglim la,
Lalpa pawl fo rawh.

MODERATOR VELEDICTORY SERMON

Rev. Thangzauva

Moderator, Mizoram Synod

Thupui : Pathian Kohhran

Bible châng

Sam 87:1 - 3, Matt.16:18-19, Joh.19:33, Tirh.20:28

Thuhmahruai:

          Pathian hian ka tum leh beisei lohna lamah min hruai zel a. Kan Kohhrana dinhmun leh nihna ropui chungchuang Synod Moderator hna te hial ka kova nghah a ni hi mak ka ti a. Pathian khawngaihna avang liau liau a ni tih ka hria. Ka tân chuan, ‘Khawngaih chunga khawngaih lehchhawnna’ tih hi a dik hle. Chu mawhphurhna chu Pathian hruainaa ka hlen chhuak ve thei dawn ta hi ka lawm hle.

          Ka zin chhuah dawn apiangin ka nupui R. Lalnunmawiin \awng\ainain min thlah ziah a. Chhûng inkhawmha ka fate pawhin min \awng\aisak \hin a, ka lawm hle. Tin,  tlang tin leh hmun tina kohhran hoten min \awng\aisak nasa hle a; chu chu he rawngbawl hna rit tak leh hautak ka hlen chhuah theih chhan niin ka hria a, kohhran leh mi mal-min \awng\aisak \hin zawng zawngte chungah lawmthu ka sawi a, Office leh Board/Committee-a ka rawngbawlpui – min fin chhuaha min \anpuitute chungah lawmthu ka sawi bawk e. Kohhran tlawhin vawi tam tak kan zin chhuak a, thil hman hmawh leh \ul bik thilah pawh vawi khat mah tlai lova min hruai thleng zat zattu Synod Moderatoer driver Pu F. Rawntlinga hnenah lawmthu ka sawi bawk a. Hei hian Synod Moderator zahawmna a keng thui hle a ni.

          Kan ram dung leh vang, ram pawn leh Mission Field-te pawh ka tlawh kual a. Chungah chuan Kohhranho \hahnem ngaihzia te, rawngbawltute inpekna thukzia te, Pathian ram tana an \hahnemngaihzia te ka hmuhin lawmawm ka ti takzet a ni. Mission Field-a kan Missionary leh thawktute \hahnemngaihzia han hriatte hian rilru a tilawm hle a. Kan Field pakhata Fiel Secretary chuan “Kan Missionary-te hi inthlahdah pakhat mah an awm lo,” a ti. Ngaihthlak a nuam hle.

          Kan Kohhran hi chu inkhawmpui leh Committee Kohhran tih mai theih khawpa Committee ngah kan ni a. Kumin hianvawi 160 ka committee a, Kohhran pawh 152 ka tlawh bawk a. Biak In hi pariat (8) ka hawng a, Chungte chu: Sailam, Zote ‘S’, Ramhlun Vengthlang, Sawleng Hmun\ha, Serchhip Bazar, Maubawk West, Saikhamakawn leh Maubuang te an ni a. Biak In lungphum hi hengte hi ka phum bawk: E. Lungdar, Chuhvel, Vanbawng leh Bethani (Manipur). Hengte hi ka hawng bawk: Bethel Kohhran Golden Jubilee lungphum (29^th 7,2012), Rostad Memorial high School Building (Churachandpur - 19^th 10, 2012) leh Synod bookroom, Serchhip  Branch (9^th 11, 2012). Kohhran Centenary te, Golden jubile leh Bial Inkhawmpui Silver Jubilee-te ka hmanpui nual bawk.

          Thil dangdai leh la thleng ngai lo tawn ka nei a; chungte chu: Thutak Nunpuitu Team (TNT) Zuangtui-ah September 9^th, 2012 (Sun) khan mi 204 ka baptis-a; tin, November 18^th, 2012 (Sun) khan Central Jail chhunga tâng mi 6 lai Baptisma ka chantir bawk. Kum 2011 Synod khan Pro. Pastor 19 ka nemnghet a, Pro . Pastor 17 installation ka nei bawk.

          Synod Moderator hian engnge an thawh ber tihin zawt ta ila, hetiangin chhâng ila a dik thui hle ang.

·        Synod inkhawmpui leh Committee kaihhruai

·        Kohhran tlawh

·        Sunday School Exam lawmman Certificate hming sign

·        Pathian sum pawisa chhiar tlemte write off

·        Message hrang hrang ziak

·        Office leh inleng dawnsawn

·        Mizoram Kohhran Hruaitute (MKHC) leh Mizoram People Forum (MPF) te nena thawhhova , thiltih adt.

               Kan thu sawi tur lamah lo lut dawn tawh ila. Thupui atan ‘Kohhran’ tih ka thlang a, hetiangin lo sawi ila.

          Thuthlung hlui hunah khan Kohhran tih \awngkam tak chu a awm lo a ni awm e. ‘Pathian mite, Israel hnam pumpui – Amah be tura hmun bika kohkhawmte kha Thuthlung hlui Kohhran’ tiin a sawi theih awm e. (Ędhah-Qahal). Pathian hnam thlan, Pathian dang be lova, amah chauh bia a, a tâna thianghlima nung tur a ni, kei ka thianghlim si’ (Levi: 19:2) tih ziak ang khan.

          Thuthlung Thar-ah chuan Kohhran hi Grik \awngin Ecclesia tih a ni a; chu chu ek- Kaleo tih a\anga lak a ni a. ‘EK’  tih chu ‘chhuak’ tihna a ni a; ‘Kaleo’ chu ‘KO’ tihna a ni. Chumi awmzia chu kohchhuah Kohhran tihna a ni a. ‘Sual zing ata Kohhran’ tihna a ni, ‘An zing ata lo chhuak ula, a hrangin awm rawh u, thil bawlhhlawh reng reng pawh dek suh u, Lalpan a ti’ tih ang khan (II Kor: 6:17). Thuthlung hluia kohhran tih awmzia nen pawh a thuhmun hle.

          I. Kohhran sawi fiah dan \henkhatte: Mi \henkhatin Kohhran an sawifiah dan chu-

·        Dr. M.M. Thomas-a chuan, “Kohhran chu mi dangte tlan tura tlansate pungkhawm hi a ni” a ti.

·        Harvey Cox-a chuan, “Kohhran chu tunlai huna mi zawng zawng hnena Pathian thiltum tihlanna ni a ni,” a ti.

·        John Calvin-a chuan, “Kohhran chu Krista taksa, Pathian thu dik taka puang a, Sakramen dik taka \heha, Kohhran inthununna dik taka hmang hi a ni, “ a ti.

·        Vatican Council II chuan, “Kohhran chu Pathian mi van lam pana zin/kal mêkte hi an ni,” tiin a sawi.

·        World Council of Churches (WCC) chuan, “Kohhran chu Isua Krista chauh chhandamtu atana pawma, Pa leh Fapa leh Thlarau Thianghlim ring a, Isua Krista Sakramen te hmanga dingho ho hi a ni,” tiin a sawi.

          Ka rilruin Kohhran a hriatfiah ve danah chan, “Kohhran chu Pathian chatuan puma pai, Kalvari tlanga Isua Krista thisena hrin, hmuh theih loh ata hmuh theiha Penticost Ni-a lo ding chhuak ta-a kha a ni,” tiin. Thurin chuan ‘Kohhran chu pakhat (One), Thianghlim (Holy), Huapzo (Catholic) leh Apostol-te zirtirnaa innghat’ tiin a sawi (Four Credal Adjectives).

          A sawifiahna atan chuan duh tawk ila, sawi zui tawh lo mai ila a \ha ang e.

          II. Kohhran innghahna lungphum: Sam 87:1-na thu kan chhiar khan Kohhran innghahna lungphum chu ‘tlang thianghlim-ah anih thu kan hmu. Mizote thinlungah chuan tlang thianghlim kan rih chu ‘kalvari tlang’ kha a ni a. Kalvari tlanga khenbeh – Isua Krista nâk thianghlim thisen leh tui lo luang chhuak a\ang khan Kohhran chu a lo ding a. Aw tlangmawi Kalvari, miten hmusit mah se, Tlang dang zawng zawng aiin kei zawng ka ngaina hle, Aw hlimna tlang, Aw hmun thianghlim, Pathian thisen a luanna chu’ kan tihna chhan pawh hi chuta Kohhran lungphum a innghah vang chu a ni. Kan hla pawhin

·        ‘Kan Kohhranho lungphum chu a lal Krista Isua, Tui leh thisen leh thuin a thilsiam thar a ni,’ a ti.

          Mimal nun, chhungkaw nun leh kohhranho nun lungphum innghahna Krista a nih chauhvin kan nun hi a nghet thei. “Harsatna a lo thlena kan nun a nghin a, a chauh fona chhan chu kan innghahna lungpuiah kan chian loh vang a ni fo. Kan thinlungah Pathian tilawm nun a awm chuan chûng hlauhna lakah chuan humhimin a awm \hin. A rem vak lo naiin kan sawi duh hram chu – Kristianna leh Sakhaw dang danglamna hi a ni. Sakhaw dang zawng zawng chu mihringte hmuh chhuah a ni a, Kristianna erawh chu van a\anga lo chhuk Pathian fapa Isua Kristaa innghat a ni. Chu Krista chu Kohhran innghahna lungphum chu a ni.

          III. Kohhran nihnate: Kohhran nihna hi sawi kim vek sen ni lo mah se, tlem azawng lo sawi ila.

                    1). Kohhran chu Krista taksa a ni: Eph. 1:23-ah chuan Tirhkoh Paula chuan ‘...Kohhranho chu a taksa a ni, engkim tikhattu famkimna chu’ a i. Krista chu kohhran ho lû a ni a, Kohhran chu a taksa a ni. Lu leh taksa chu sawi hran theih a mah se, lâk hran theih a ni lo angin, Krista leh Kohhran chu lâk hran theih  loh khawpin a inzawm. A inzawmzia hetiangin lo sawi ila. Saula kha Paula a nih hma khan ringtute/Kristiante/Kohhran hote tihduhdah phalna lehkha puithiamin Lalber hnenah Jerusalem khuaah kalin a la a; Damaska khaw lamah kalin khaw luh dawnah dai a thlen chuan êngin a chhun thlu ta a, aw-in ‘Saula, Saula, engatinge nangin kei mi tihduhdah hi” a ti ta a.

          Heta \anga chiang taka lang chu- Kohhran tihduhdah chuan Isua a tiduhdah a ni. Kohhran hmusit chuan Isua a hmusit a, Kohhran sawisel chuan Isua a sawisel a ni.

          Taksaah hian peng hrang hrang a awm a, Pathianin a duhna apiangah, an awmna tur \heuhvah a dah a, peng khat mahin engvangin nge hetah hian min dah tiin an phun ngai lo angin, kohhranho-a member hrang hrangte hi kan awmna tur \heuhah Pathianin min dah a, phun nawi a thiang lo. Kan mit hi zak hnuaiah dah se – thil en dawn apiangin zak kau a ngai ang a, a buai thlâk hle dawn a ni.

          Tin, taksa peng hrang hrangte hi an thawh leh tih theih a inang lo va, mahse an tih tur \heuh \ha taka an tih avangin taksa tan malsawmna a ni angin, kohhrana thlarau thilpek kan dawn \heuhte hi \angkai takin hmang \heuh ila, Pathian a ropui mai dawn a lo ni.

                    2). Kohhran chu Pathian Chhungkua a ni: Eph.2:19-ah chuan, ‘Tûnah zawng mikhual leh mi cham mai in ni tawh lova, mi thianghlimte nen chuan tualkhat leh Pathian chhungte in ni ta zawk a ni,’ tih kan hmu. Mi hausa leh langsar chhungkua nih te nuam kan ti. Kohhran chu Pathian chhungkua, khawvela a chénna chhungkhaw awmchhun kan ni. A va hlu em! Chu nihna dinhmun ropui tak chu hriain hla siamtu (John Newton) pawh a lawm em em a, hetiangin hlain a chhamchhuak ta a; ‘Lalpa Zion khawpuiah chuan khawngaiha mi teltîr chuan, Khawvelin min hmusit mah sela, i hming chauh ka chhuang ang e,’ tiin. Keini pawh hian John Newton-a ang hian Zion khawpui – Kohhranhova kan tel ve Pathianin a phal ve avang hian kan chhamchhuak ve thei dawn lawm ni?

          Chhungkuaa pa ber chuan a chhungkaw tan a chakna leh theihna zawng zawng chhuaha a ngaihsak anih chuan kan Pa Pathian phei chuan a chhungkua Kohhran chu min va ngaihsak nasa dawn em! Engmah Pathian kohhranho tan chuan lungngaih tur a awm lo. Kan dil chuan ka mamawh tinreng min pek a tiam a, nachâng kan hriat loh thlengin min pe \hin a ni. Pathian chhungkua Kohhrana kan tel ve hi a va han lawmawmina a va hlu tak em?

                   3). Kohhran chu Pathian In (Temple) a ni:  Pathian thu chuan “Pathian in in nih leh, Pathian Thlarau nangmahniah a awm reng tih i hre lo vem ni. Tupawhin chu in chu a tihkhawloh chuan Pathianin a tikhawlo ve a, chu in chu a thianghlim si a, chu chu nangmahni in ni e’ tiin (I Kor. 3:16). In ropuina pakhat chu a hmanrua a ni a, a pahnihna chu rem taka a inchuktuah a ni a, a pawimawh ber chu a chhunga chengte inhmangaih leh lungrual taka, inrem taka awm a ni. Kan thu tarlan khân kohhran chu Pathian in kan nihzia a sawi a. Kan taksa, Pathian in hi thianghlim taka, a chenna atana vawng tur kan ni. Mahni taksa tibawlhhlawha, tikhawlotu chu Pathianin a tikhawloh dawn avangin thianghlim taka mahni nun \heuh pawh achenna tlaka vawng thianghlim turin mawh kan phur.

                   4). Kohhran chu Krista mo (Bride) a ni (Is. 61:10; II Kor. 11:2): Kohhran chu Krista mo a ni tih hi kan hre fo awm e. Mo chu kan hria, an pasal neih ni a\angin mo an ni nghal. Mo chuan a pasal rilru tihnat a duh lo va, a duhzawng a ngaihtuah sak \hin, a chawhmeh duhzawng thlengin hriat sak a tum a. A tan a invawng thianghlim a, ngaihzawng dang neih pawh a rem tawh lo.

          Kohhran hi Krista mo a ni a. Hla siam tuin, “A mo thianglim hi turin vana’n a rawn zawng a,’ a tih angin, Van a\anga rawn zawngtu chuan a lo la lam leh dawn a; chuvangin thianghlim taka a pasal Krista tan Kohhranho chu lawm leh tlakin a invawn thianghlim a \ul.

          Lawng chu tui chungah chau a kal a, a awm thei. Mahse a chhungah tui a lut tur a ni lo. Titanic lawng ropui tak pawh kha a chhungah tui a luh avangin  lawng kha tuifinriatah a pil ta angin; kohhran hi khawvelah awm mah se a chhungah khawvel politics bawlhhlawh te, sual leh thil \ha lo kohhranah kan luhtir chuan khawvel mawinain min chim pil mai ang tih a hlauhawm. Nakum (2013) hi General Assembly inthlan hun a ni a, Krista leh a kohhran aia hmangaih kan neih loh nan i invawng thianghlim ang u.

          Kohhran nihna hi kan sawi seng lovang. Thuthlung thara kohhran hote nihna Peteran a sawi hi a khaikhawm nan lo sawi ila; ‘Nangni zawng chi thlan (lehlin thar/hnam thlan) lal puithiamho, hnam thianghlim, Pathian mite ngei in ni si a (I Pet. 2:9).

          Mahni nihna hriat chian loh hi bona a ni a, kohhranhote hian kan nihna hi hre chiang ila, tun aia awmze nei zawk hian kan awm thei ang.

          IV. Kohhranin beihna a tawk:

                   1).Chhûng lam a\anga beihna: Hei hi zirtirna dik lo tiin kan sawi thei ang. Kohhran hian a din tirh phat a\angin zirtirna diklo leh harsatna namen lo a tawk a. Juda-ho lakah te, Ebionism zirtirna te (Isua hi mihring hlang a ni, Pathianna a nei lo), Docetism zirtirna (Isua hi Pathian hlang a ni a, mihrinna a nei lo) te. Kan kohhran thurin, ‘Pathian tak leh mihring tak... Pathian leh mihring zia nei a ni a tih te hi a pawimawh hle. Hla siamtu chuan, ‘Amah chu mihring leh Pathian a ni, Lal leh Chhandamtu a nih a fawm’ tiin a sawi a, thu a sawi thui hle.

          Kan ram zirtirna chi hrang hrang lo chhuah tam tawh dan te hi sawi mai sen a ni lo; Pathian ka ni, Isua ka ni, Lal Isua a lokal tawh, Lal Isua a lokal leh dawn lo, Thlarau Thianghlimin kohhran a chhuahsan, Prsebyterian kohhran chu nawhchizuar kohhran a ni, Sakawlh a ni, ring thei kan ni lo, mihringin Pathian a ring thei lo etc.

          Heng zawng zawng deuh thaw hi kan kohhran a\anga penga chhuak an ni a, khawngaihna leh hmangaihna thinlung neiin kan kohhrana awm turin i sawm hawng leh vek ang u. Tin, heng zirtirna dik lo te hian kan mite an hruai bo loh nan i veng  him ang u, kan hna a ni.

          Kan kohhran thurin leh inkaihhruaina te hi a dik a, kan rawngbawlna te hi Lal Isua hna chhunzawmna nia kan pawm a nih si chuan engah nge anmahni huikhawm tura \hahnem kan ngaih lovang. Tu an nih kan hriat loh, India ram leh khawvel hmun danga mi ringtua siam nan sum leh pai tam tak sengin, Mihring te kan tir a, harsatna nasa tak an tawk a ni a; kan bul hnai maia awmte sengkhawm tur hian mahni awmna hmunah \heuh \hahnemngai takin i thawk teh ang. An hre lo atin ni an kalsual ni. Member-ah pawh \hahnem i ngai ang u. Misual kha mi \ha berah a chhuak thei si a.

                   2. Pawn lam a\anga beihna: Hei hi sawrkar leh lalte leh sakhaw dang a\anga beihna tiin kan sawi thei ang.

          Lal Isua pian tirh ata Heroda leh Rom Sawrkarin an enghelh a, a tawpah an khengbet a; mahse thihna chelh hlen rual a nih loh avangin a tho leh a. Ringtu an lo pung a. Rom lalte leh Sorkar, ringtu tihduhdah tute (sakawlh) ten bei mahse an timit zo lo. Tharum thawh velo rintute chu an ral a hnehin an pung zel. ‘Hetah lo \hiat mahse hmun dangah a din thar’ tih angin an lo pung zel. Tun thlengin communist sorkar te, lal leh sakhaw hrang hrang betu ten Kristiante (kohhran) chu an bei nasa hle. Mahse hla siamtuin, ‘khawiah pawh ni chhuahna apiangah Isua Lalin ro a rel dawn,... Thla thar dêt ban hma loh hi chuan, khawvelah a ram a zau ang, a tih angin a ram a azau zel.

          A tiduhdah ram chu a ral zel. Judaho sala mantu Babylon ram chu a awm tawh lo. Tuna Iraq ram hi a ni. Rom ram, Kristian tiduhdah tu chu a hun laia ram  zau ber ni mah se a tawp. Russin ram, sakawlh ang hiala an hlauh chu – hmun sarih (7) laiah a phel.

          Kohhran chu chung lam ta a nih avangin a ropui zual zel dawn, chûng rama underground kohhran member tam tur zia hi sawi thiam a harsa – 10% or 20% ?

          Khawvelah hian hrehawmin in awm \hin; nimahsela thlamuang takin awm rawh u, keiin khawvel ka ngam ta tiin Lal Isuan a sawi a, a hnehsa khawvelah ka cheng a ni tih hriain thlamuang takin awm ila. Heng min beitute hi thlarau ngunhnam, Pathian thua inthuam chungin hmet mit zel ila. ‘Isua hnênah hlauh tur a awm lo engkimin a thupek an awih \hin tih angin, Sakawlh leh a hote hnehtu Krista -  beramno leh a hnêna awm, Kohva te, Thlana te, Rinawma te chuan an hneh bawk ang (Thup. 17:14) tih hi i chhinchhiah ang u.

          V. Kohhran din chhan:

                   Kohhran hna pui ber chu Chanchin |ha hril hi a ni. Isuan Petera hnenah khan ‘Vanram chabi-te ka pe ang chia, lei chungah engpawh i phuar apiang vanah phuar a ni ang a, lei chungah engpawh vanah phelh a ni ang’ a ti a. Chabi kan hria ti rawh u. Thil kalh hawn theihna a ni. Thinlung sual kalh – Chanchin |ha la thleng ngai lohna thinlung te, Chanchin |ha thlen tawhna pawh nise, sualin a hneh lehna thinlung te chu – Krista Chanchin |ha kan hrilh/hriattîr chuan an thinlung sualin a kalh hnan tlat, a bawih beh tlatte chu hnehsakin an awm ang a, an nun a lo zalen dawn a ni. He hnathawh hi kohhran dinchhan kan hnapui ber  a ni.

‘Krista leh kohhran

Kan dam chhan ber ni se’.

Amen

*****************************************

BIBLE CHUNGCHANG

- Rev. Thangzauva

Ramhlun

Bible hi Grik \awngin Biblus/ Biblos an ti a. Mizo \awng chuan lehkha tihna a ni. A tir lama phek khat leka siam kha hun lokal zêlah a zial (Scroll) chiin an siam chhuak a (Is. 34:4; Thup. 6:14). Isuan chutiang lehkha zial chu Inkhawmna In-ah a phelha, a chhiar tih kan hria (Lk. 4:17). Thuthlung Hlui bu hi a tirah chuan Hebrai \awnga ziak a ni a; châng tlêmte Aramaic \awnga ziak tih loh chu (Dan. 2:4-7:28; Ezr. 4:8-6:18; 7:12-26; Jer. 10:11; Mk. 5:41; 7:34; 15:34). Hebrai Bible chu Grik \awngin an letling a; chu chu Septuagint an ti a, a lamtawiin LXX an vuah. Grik \awnga letlingtute hi mi 70 an nih vang a ni awm e. Thuthlung Thar hi Grik \awnga ziak a ni thung.

Bible - Pathian lehkhabu thianghlim tih a lo nih dan: A tir lamah chuan Thuthlung Hlui hi hlawm thumah an \hen phawk a: Mosia lehkhabu (Torah=Gen. -Deut.), Zawlneite lehkhabu (Nebiim) leh Thuziakte (Kethubiim) tiin. LXX-ah chuan Kethubiim chu ‘graphai’ an vuah a; hun a lokal zel a, ‘hagiographai’ tiin an vuah leh a. Hagio/Hagia chu ‘thianghlim’ tihna a ni a. Hei hi thil dang laka hrang leh danglam sawina ni. A chhûnga thu awmte hi lehkhabu dang ang lova a hran êm avang a ni ber. Kohhran pate zinga mi Origen-a (AD 185-254) chuan Bible pumpui sawi nan Pathian lehkhabu Thianghlim tih hi a lo hmang tawh a. Jerome-a (AD340-420) khan Bible hi ‘Divina Bibliotheca’ tiin Latin \awngin a lo vuah tawh bawk a; chu chu ‘Pathian lehkhabu Thianghlim’ tihna a ni; Divina chu Pathian tihna a ni a. Heng avangte hi a ni ve ngei ang - Mizo Bible hi, ‘Pathian Lehkhabu Thianghlim” tia vuah a lo nih ve tak ni.

Bible - Pathian thawkkhum leh thu nung chu: Bible hi Pathian lehkha thu, Pathian thawkkhuma pêk tih a ni (2 Tim. 3:16). Pathian thawkkhum (God-breathed) tih awmzia chu Pathian thâwk luh, Pathian tihnun (Theonuptos) tihna ani. Pathian hnen a\anga thu lâkchhuah, Pathian thu hriattir tihna a ni bawk. Lehkha thu ziak, nunna hranpa pawh nei loah khân Pathianin nunna thaw (= thlarau) a thaw lut a; chu nunna thlarau a\anga chhuak chu kan thinlungah a rawn tinung tihna a ni (cf. Gen. 2:7; Wisd. 15:11). Pathian tihnun, thiltihtheihna a dahna lai tak hi a nunna tilang chiangtu a ni. Thu nung a nihna chu a hnathawhah a lang a, thiltihtheihna neiin, hmuh theihin hna a thawk \hin. (cf Jn3:8; Ezek. 37). Hei hi Bible a ni; a nung ania - hei a chêt \ual \ual hi’ emaw, a thi a nih hi - hei a che reng reng lo’ emaw, tih tur a ni lo. Nunna neia hna a thawhna tak hi thu nung a nihna tilangtu chu a ni.

Bible - thu thiltithei: Bible ti-Bible-tu chu Pathian thu a nihna hi a ni a; thil a tih theihna chhan ber pawh Pathian thu a nihna leh Pathian thawkkhum a nihna hi a ni. Hebrai-ho chuan thu chu Pathian hnen ata a chhuah tawh chuan lâk lêt leh theihah an ngai tawh lo va, thiltih nei lovin a lêt leh ngai lo an ti \hin (Is. 55:11). A thiltih theihzia sawi nan mei leh tuboh te pawh tehkhin nan an hmang (Jer. 23:29). Amah Pathian ringtute tan chuan Chhandamna an chan theihna tura Pathian thiltihtheihna a ni a (Rom 1:16), Khandaih hriam tawn eng ang ai pawha hriam titein an sawi bawk (Heb. 4:12). Mari pawhin, “Pathian thu chhuak reng reng thil tithei lovin a awm lovang,” a ti (Lk. 1:37). Bible- thu thiltitheiin mihring a tihdanglam sawi tur tam tak a awm, tlem azawng lo sawi ila:-

1. Augustine of Hippo (AD 354-430): Mangang takin hun rei tak chhung chhandamna a zawng a, vawi khat chu an in bul huanah \ap chungin a \awng\ai lai takin aw a hria a, inah a lut thuai a, Rom 13:13,14 thu a chhiar a (AD 386-ah). “Ka chhiar tawp veleh ka thinlungah êng lo lût ang maiin ka var huai a, ka rinhlelhna zawng zawng a bo ta vek a ni,” a ti.

2. Martin Luther-a (AD 1483-1546): Thinlung lama indona nasa tak nei mi a ni a. Pathian felna leh amaha sualna awm chingfel turin theih tawp a chhuah \hin; mah se a hlawhchham. Kum 1513-ah khan Rom 1:17 thu, ‘Rinnain Pathian felzia a lo lang,’ tih thu a chhiar a, a hrefiah ta a. Rinna chauh (Sola fide) tih hi a Bible-ah a sen lianpuiin a ziak an ti.

3. Teiseimichihat-a: Japan rama Puithiam leh a nupui pawh kum 1910-ah khan Rom 1:17 thu, “Chumi-ah chuan rinnain rin lehzual nan, rinnain Pathian felzia chu a lo lang a. Mi fel chu rinnain a dam ang” tih thu an hriat a\angin Krista rawngbawltu \angkai tak an lo ni a, Pathian mi hman an lo ni ta.

4. Yashoda of Karnataka: Hindu tleirawl Yoshoda chu rangkachak laihchhuahna- Kolar Gold Field-ah a thawk a. Telegu \awnga Bible Portion, ‘Rangkachak aia hlu zawk’ (More precious than gold) tih an sem chu a chhiar fuh hlauh mai a. Rangkachak aia hlu zawk chu hriata neih chu a châk ta hle mai a. Chu lehkha chu an chhiar chuan a rilru lo danglamin a piangthar ta a. A chhungte a hrilh a, anni pawhin Krista chu an lo ring ve ta a. A thusawi hria mi dang 10 laiin Krista an lo ring ve ta bawk.

Ronald Reagan-a (1911-2004), America President khan heti hian a sawi a. “Bible-a bu khat chauhah pawh hian mihringte harsatna zawng zawng chhanna a kim vek a ni” tiin (31.1.1983). Bible hi nunna leh chhandamna thu bu a ni a, thiltihtheihna neiin tun thleng hian hna thawkin thu a la sawi ta zel a ni.

Bible lehlin (Translation) pawimawhna: Thuthlung Hlui hi Hebrai \awnga ziak a nih thu leh Thuthlung Thar hi Grik \awnga ziak a nih thu kan sawi tawh a. Pathian chu Hebraiho leh Grik-ho Pathian chauh a ni lova, hnam tin tana Pathian a ni. Zawlneite khan, “Lalpa chuan heti hian a ti” (Jer. 6:16), “Lalpa thu chu ka hnenah a lo thleng a” (Ezk. 3:16), “Sipaihote Lapa chuan hei hian a ti” (Jer. 6:6,9) tiin an sawi \hin. Thuthlung Hluia zawlneite hnênah chauh ni lovin kan hnenah pawh a fapa Isua Krista hmangin thu a sawi a (Heb. 1:1,2). Chu a fapa hmanga kan hnêna a inpuanna chu keimahni \awng ngeiin, a thu kan hriat veleha kan pawma, kan zawm nghal theihna tura Hebrai \awng leh Grik \awng te chu (\awng dang pawh eg. English) keimahni \awng \heuhva lehlin a ngai a ni; chuti lo chuan Pathian pawh rin nachâng kan hre thei lo vang.

Bible lehlin dan hi kawng/chi hnih a awm a:

1. Angial angana lehlin (Literal Translation): Entirnan. “A thiltih ten fingi an thiam e (Mt. 11:19).

2. A thu tum phawk chhuak zawnga lehlin (Dynamic Equivalent Translation): Entirnan Mt. 11:19 tho kha - “Finna chu a thiltih a\angin a dikzia a lang a ni”. A hnuhnung zawk chu hriatthiam a awl ta zaih mai. |awng hi kum a lo vei tam chuan a lo hluiin \hangtharte tân hriatfiah a har thuai \hin. Exo. 10:29 “So Moses said, “You have spoken well. I will never see your face again,” (NKJV) tih chu kum 1800-a sap\awng Bible chhutah chuan hetiangin an ziak a; “And Mofes faid, “Thou halt fpoken well, I will fee thy face again no more,” tiin (English Bible Vol-I, Gen -Deut).

Hebrai \awng te, Grik \awng te leh Sap\awngte chu sawi loh, Mizo \awng ngei pawh lehlin \hat a ngaihzia kum 1918-a Galatia 4:1-4 leh Ephesi 1:1 thute hi lo en ila. Galatia 1:1 Libarti atana Krista-in min chhuah: chutichuan ding-nghet-ula, baw-tan’-na nghawng-kawl-a chuan lo hnawk-a awm tawh shuh u. 2 Ngaiteh u, kei Paula’n in hnena ka shawi hi, peritem lo chang ula, Krista engma-in a sawt lo vang che u. 3 A ni, mitin peritem chang hnena chuan ka lo tiam leh a, dan-thu a pun chu ti zo-tur-a bat-tu a ni chu. 4 Krista laka’n lo bung-in in awm, nangni dan-thu-in lo thiam-a tum-te chu, Khawngai-na a’n tawlh-bovin in awm.

Ephesi 1:1 “Pawla, Krista Isua Apostol, Pathian duh-zawng-in, sent, Efesi-a awm hnen-a te khan, Krista Isua-a rin-awm-te pawh.

Bible lehlin hmasa chhiar a\ang ringawt hi chuan inhlan nghal mai chu a awl ai lo hmel hle.

Bible thu \henkhat Pupangliah (= vun natna/ Phar chi khat) te, Lampei (= hlum bêl keh them) te, Hawlrivap (= Chinai) (Levi. 13, Job. 2:8, Ezk. 13:12) te hi chu sawifiah a ngai fo dawn. Rom 5:6-a Paulan, “Kan la chak loh lai khân...” a tih te, Lal Isuan, ‘... lei leh van hi a boral hma loh chuan dan thua mi chhun han tê tak tê emaw, thai han te tak tê emaw, pakhat mah a boral tawp lo vang, a zaa a thlen kim hma loh zawng,” tihte pawh hi sawi fiah a ngai fo ang. ‘Dan thuin a sawi chu a boral dawn lo’ tih ni lova, Comma (,) leh full stop (.) tih danglam tur nia ngai an awm chhung chuan. Lal Isua a lokal leh dawn hnaiah chhinchhiahna a la awm ngei dawn a ni tih sawi nan, ‘Saruang awmna apiangah mulukawlhte pawh an awm khawm ang (Mt. 24:28) a tih pawh a sawi tum bo \hak khawpin hriat sual a ni tih hla phuahtu leh a hla satute, leh chutiang hawia sermon thupui an sawi a\angte pawhin a hriat theih.

Eng pawh nise, Tualpui khaw pa pakhatin “Paten grep thur an ei a, an fate hâ a \im e (Ezk. 18:2) tih thu a hre ve a. A thu hi a pawm thiam thei ngang lo va, “Paten grep thur ei a, fate hâ \im hlauh thu a awm lo, a pa khan a pe ve a ni tal ang!,” a ti pawh hi Bible-in a sawi tum hriat chian loh chuan ngaih thiam loh tur a ni bik lo!

Bible - Khawvel mamawh chu: Khawvelah hian \awng 6600 vel awmin Bible hi \awng 495 vel, Thuthlung Thar hi \awng 1275 velin lehlin tawh a ni a. India ramah hian \awng 1500 vel awmin, Bible hi \awng 67 vel, Thuthlung Thar hi \awng 72-in lehlin a ni tawh bawk, hmabak a la tam hle. Lal Isuan, “...hnam tina mi zirtirah te siam ula...” (Mt. 28:19) a tih khan (Gk. panta ta ethne), eng hnam chi leh kuang pawh a kawk vek (Eg. Ralte, Khawlhring, Adivasi, Assamese). Khawvelin Isua Krista chhandamna thu hriat hi a mamawh. Bible thu hmangin kan hriattir thei. Dr. A.E Inbanathan, General Secretary, BSI, Bangalore-in BSI, NEI Associate Auxiliary Aizawl - Synod Hall-a a hawn (1.7.1978- 1:30 pm) \uma a thupui hman “Hmawng anga kung thar chhuah zelin,” a tih kha hre rengin, Bible Society rawngbawlna peng pawimawh chi hrang hrang hian hma a sawn zel theih nan \an i la thar zel ang u.

THALAITE MAWHPHURHNA

- Pastor Thangzauva

Ramhlun

Kan khua E. Lungdar Kristian |halai Pawl (K|P) in a din champhaphak kum 60-na, 'Diamond Jubilee' hial a lo thleng ta hi ka lawmpui takzet a. Chuta Souvenir chhuah turah Article ziak ve tura committee-in min sawm hi ka lawm hle mai, lawmthu ka sawi e. Bawngpui ril\amin hnim hring a hmuh remchang apiang a pet lâwr angin, a chûnga thupuiin a hmer tel, \ul leh pawimawh nia ka ngaihte ka han lawr khawm a. Vitamin hi a thlum chauh kan taksain a mamawh lo va, a kha leh a thur te pawh a mamawh angin, lem harsa deuhte a lo awm a nih pawhin \hatpui turah ngaiin ka han telh ve tho va. K|P-a Life Member nih duh, ni thei chuang si lovin a ziak a ni a, lo hrethiam mai teh u.
1. K|P thil tum hriat chian: Eng pawl pawhin din chhan, thil tum, tihhlawhtlin tum an nei vek a. Chuta member leh hruaitute phei chuan an pawl thil tum an hriat ngei a ngai; an telna pawl thil tum hre lo va tel ve ngawt chu a him lo thei. Footballer-te chuan an tum ber chu playground-a ball chawh mawi mai mai ni lovin, goal-a pet luh chu an tum ber a ni. Chutiang chiah chuan K|P hruaitute chuan an member-te hruai thlen an tumna eng thil pawh tihpui se 'an goal' chu an vawn reng a \ul. K|P thil tumte lo sawi diat diat ila:
a) Isua Krista rinna leh amah anna kawnga \halaite hruai.
b) Kohhran kutke ni tura \halaite buatsaih.
c) Kohhran hnathawh tihpuitlin.
d) Krista Chanchin |ha puandarh.
K|P thupui: 'Rawngbawl tura chhandam' tih a nih thu leh, a Bible chang innghahna pawh Ephesi 2:10 “Thil \ha ti atan Krista Isuaah chuan siama awmin ama kut chhuak kan ni si a; chu thil \ha tih chu kan awmna turin Pathianin a buatsaih lawk a ni” a ni tih kan hria. K|P-a tel thei chin pawh kum 14-40 a nih kha. Hruaitute chuan K|P inkaihhruaina dan hi hre chiang hle tura ngaih an ni. Presbytery huap K|P Meet pawh Central K|P General Conference neih loh kumah Presbytery Standing Committee in \ul a tih chuan a huaihawt \hin ang tih a ni (Synod 2007:7:3). Synod Executive Committee vawi 218:39 (A) of 4-6 June, 2008 chuan kum 2009 a\anga hman \an turin a pawm.
2. K|P - Chherna pûm: ‘K|P chhul chhuak dik tak chu hman tlak lohvin an chhuah ngai lo’ ti ila kan sawisual tam pui lovang. Pûm-ah chuan chem te, Tuthlawh te, Hreipui te, Favah te, Chemte etc. te an chher \hin a; a nih tur ang taka chher chhuah a nih theih nan nasa takin thir tum te, thir phêk te thirdengin an rawh ling a, vawi tam tak rawh ling nawnin tuboh lian deuh deuh te, te deuh tein vawi tam tak dolungah an chhû an an chhû a; chumi hnuah hman theihin a lo chhuak chauh \hin.
K|P member-te pawh mi a tirah chuan mi bumro pui pui, kohhran chu sawi loh, K|P hawiher pawh hre lote an ni a. Chung mite chu \halai hruaituten an lo kaihruai a, an zirtir a, an hau va, an zilh a; a tawp atawpah chuan mi bumro leh kaihhruai harsa pui pui, raw deuh deuh kha kohhran rawngbawltu \ha tak tak - Kohhran Upa, Pastor leh missionary leh rawngbawltu \angkai takah an lo chhuak ta \hin a. Kohhran kutke pawimawh takah \angin Appelia anga Krista mi tak (Rom 16:10), Timothea anga rinna tak tak nei mi-ah chher chhuahin an lo awm ta \hin a ni. Chutiang ni kher lo pawh mi hman tlak, chawr tlakah an chhuak deuh nge nge. Chuvangin K|P hi kohhran hruaitute chherna pum, training ground/centre leh a kui\iahna hmun (seedbed) tiin a sawi theih. Chutichuan, thu awih taka, regular taka inkhawma, K|P activities hrang hranga phur taka tel te chu Lalpa tana mi hman tlakah an chhuak nge nge \hin. Chuvangin, K|P hi kohhran rawngbawltute chherna pum, sipai \ha tak ni turin recruitment (rengrût) a paltlang ang hi a ni. Fatu a\anga kohhran Upaa lut ve ngawt ai chuan K|P a lo inhmang tawh \hin, chum hmin saa lo lût chu kalhmang hre sa deuhva lo lût an ni bawk a, an ar khawthim dai lo deuh, an bangbo lo deuh. Tin, hruaitu \ha chuan hruaitu \ha dang an chherchhuak a, hruaitu nih loh pawh an thiam tho.
3. |halaite leh nun thianghlim:  Thianghlim tih awmzia chu - danglam, serh hrang, tan bung, tan chhum’ tihna te a ni. Mi pawhin an ti a lawm, tih  vanga thil \ha lo chu ti ve kher lo ngam; miin ti lo mah se la, a \hata, a dik phawt chuan ti ngam; Krista leh a kohhran tana inserh hrang ngam nun hi thianghlim chu a ni. Pathian chu Pathian thianghlim a nih a vangin amah ringtute chu thianghlima nung turin a phut. ‘Nangni in thianghlim tur a ni, kei ka thianghlim si a’ a ti. Kan \awngkam leh chetzia zawng zawnga thianghlim turin Pathianin min ko.
Mipat-Hmeichhiat sualna, Sodom leh leh Gomorra, van ata mei leh kâta hremna khawp, mahni taksa tan pawha thihna thlentu lakah hian \halaite chu kan thianghlim ngei tur a ni. Nupa kar ni lo va sex hman hian dam chhungin sual ser reh thei lo a siam. Ruih hlo chi hrang hrang, kan ram \halai tam tak suattu lakah hian inthiarfihlim ngei tur a ni. Zu hi Mizo hnam, kristianna, mi mal leh chhungkaw hming ti chhetu, mipat hmeichhiat sualna khura mi tam tak hnuk lûttu, nupa in\henna, thihna thlentu lakah hian bumin i awm suh ang u. Sakhaw hlui (Ramhuai biakna) nena a inzawm avanga kan kohhran Inkhawmpui Lian hmasa ber (1910:7)  in a hnawl hi i pawisa ang u. Thil sual ti turin zu in huna tihah a in \hin ten an khek dan a\ang hian zu hi fak theih a ni lo. A in ten ramhuai an hmuh fo dan a\ang hian sakhaw hlui nen a inzawm tih a chiang hle.
Eirukna (Corruption): Kum 1982 kha Synod-in Corruption a do kumah a puanga, a la do chhunzawm zel. Tangka sum ngainat hi sual tinrêng bul, rinna kalbosanna, lungngaihna khuarkhuruma hnuk luttu a ni. I do zel ang u.
Thamna (bribe): Bible chuan, ‘Thamna hian rilru a tichhia’ a ti. Thlan vengtu Rom sipaiten thamna an lak avangin Isua thawhleh thu zep bo an tum, mahse an mualphona a ni. Heng sual bawiha tangte chhanchhuak tur hian Pathianin \halaite min ko.
|awng zahmawh leh tlahawlh te, fiamthu nena Pathian thu te, Kristian hla te, \awng\ai te, Sacrament leh tute thusawi emaw te hman hauh loh tur a ni. Chu ai chuan \awngkam mawi, mi dangte tana ngaihthlak nuam leh hriat nuam hman hram hram tum tur a ni. |hangthar tan entawna insiam kan ni tih i inhre reng ang u.
4. Biak In hawng ngeia inneih:  Israel fate Kanan ram pana an kal kawngah mi tam tak chu thlalerah an tlu hlum ang mai khan \halai tam tak chu inneih hmain inngaihna sualah an tlu a, Biak In hawng pha lovin Hall-ah emaw, Vestry leh Pastor Quarters ah emaw te an innei a. Sual ser reh thei lo an insiam bakah mi \henkhat chuan an inneih certificate-a an inneihna hmun chu an tu leh fate entir pawh an zak leh si. Chutianga awm lo turin insum mai tur a ni. Insumtheihna hi Thlarau rah a ni si a.
Mi \henkhatin, ‘Biak Ina inneih chu a hautak’ an ti a. Kohhran chuan hautak a siam lo va, innei leh an chhungte siam a ni. Kohhran chuan khaw en lai a a nih phawt chuan zing karah pawh, tlaiah pawh inneih \ha a ti vek. Inneia inkhawmten thingpui in kher lo mah se \ha a ti vek a, inneih zungbun nei lote pawh a inneihtir thei vek a, a chham tel tir lo mai. Tin, incheina thuah pawh an hak lai, thawmhnaw fai tak an hak chuan a pawm vek bawk. Chuvangin kohhran chuan tute pawh hi Biak In hawng ngeiin innei se a duh vek a, a fuih bawk.
Innei \henkhat, hall leh hmun danga innei nupaa insiamte beiseina letling hi i ngaihtuah ve ngai em? Chung mite chuan - an tisa chakna puitlinin sualah an tlu phawt a; chumi hnuah an nu leh pate hnenah inneih an duh thu an sawi a; chutah kohhran leh inneihtirtu Pastor/Upate an besei leh a, a hnuhnung berah Pathian malsawmna an beisei! Chuti ni lovin Pathian, Kohhran, Pastor/Upa, Nu leh Pa, Anmahni/Inneite. He tiang hian indawt zawk se malsawmtu tan a hluin Biak In chu hawn ni se - phur kan tam awm. Chutianga Biak In hawnga innei tur chuan kan infuih sauh sauh a pawimawh. Buak In-a inneih hi zaa sawmnga (50%) pawh ram pumah kan tlin loh avangin \halaite \an lak ngai tak a ni.
5. |halaite mawhphurhna - hun hma dik: ‘Hun hi tangka a ni’ tih hian hun hlutzia te, hman dik leh ren a pawimawh zia te a hril nghal vek mai. Mihring nun ti mumal a, ti zahawmtu chu hun hman dik hi a ni. Biak In-a hun hmang dik - K|P fellowship-ah te, Group Nite-ah te, Special Programme-ah te, khawtlang thila kalkhawm naah te, infiamna hmunah te, Office-ah te hmang dik leh thei si lo kan nih chuan inenfiah kan ngai fe tihna a ni. Indian Standard Time a nia tia tlai chin te hi a \ha lo. India khua leh tui, a chi liakte intihmualphona, mahni mawng hlimna mai a ni. Chin ve hauh loh tur a ni. Tin, hun hmang diktu chuan a hmang \ha bawk tur a ni. A hun hman chu a tan leh mi dang tan pawh \angkai rawh se. Hruaitu chan chang kan nih chuan inkhawm leh committee kaihhruai ah te, \an hun dar a rik chuan \an mai tur. Chairman leh Secretary-te chu \an hun hma minute 10/15 velah thlen ngei tum tur a ni. Mi dang lo dawngsawng tur leh committee a\anga mahni lo inbuatsaih lawk nan tlen hma a ngai.
6. |halaite mawhphurhna - Kohhranah: |halaite hian an member zawng zawngte kohhran hmanrua, hman tlaka chher chhuah chu an thil tum pawimawh pali zinga pahnihna a ni a; tin, kohhran hnathawh tihpuitlin chu a pathumna a ni bawk. Kohhran sûkthlêk hre chunga kohhranin tihtur a ruahman leh a rawt apiang tih hlawhtlin chu \halaite mawhphurhna a ni a; hei hian tualchhung kohhran a kawk bik deuh awm e. Hnatlan te, Biak In, hall leh thil dang sak leh tih kawngah K|P chu kohhran hmanrua ber a ni a, tualchhung kohhran pawn lama kalchhuah a ngai a nih pawhin \halaite chu kohhran innghahna, thahrui a ni lo thei lo. Chanchin |ha puandarha kalchhuah a ngaih pawhin kohhranin a tirhna apiangah a kut a ke \halaite chu - an phur emaw, phur lo emaw, kal tur, thawk tur, titu tur an ni hrim hrim a ni. Thawh leh tih tur awm apiang chu \halaite kutah an kovah a innghat a ni. |halaite inpek dan azirin tualchhung kohhran hi a mawiin a mawi lo thei a ni.
  7. |halaite mawhphurhna - Chhungkuaah:  Chhungkuaa \halaite mawhphurhna hi sawi kim sen rual a ni lo. A tawi zawng chuan - ‘A \ul apiang thawh’ a ni mai. Hetiangin lo sawi ila.
Eizawnna kawnga Nu leh Pa \anpui: |halai zinga engemaw zat chu chhungkuaa pa ber, eizawngtu ber, chhungkaw khaidingtu ber an ni. Chutih laiin a tam ber chu nu leh pa thawhchhuah ringa khawsa, “Ka nu, ka pa - cheng sawm (10) ti \hin an ni ber a, \henkhatte phei chu zirlaite pawh an la ni. Eizawnga nu leh pate \anpuia, sum leh pai lakluhna kawngah te, hna thawh tur awm apiangte thawkin, chhungkua ti hautak ringawt lo deuhva ngaihtuahna siam a \ul. Eng hna pawh ni se, iai lo leh hreh lova thawh mai tur a ni. Hna reng reng hi hna chhia emaw, hna \ha bik emaw a awm ringawt lova, a chhiat leh \hat chu a thawktuah a innghat. Eng hna pawh thawk ila, lungawi takin thawk ila a hlu vek a, lungawi loh chuan hna leh a thawktu pawhin an tuar theih a vangin a pawi. Zirlai nih pawhin taima taka, hlawhtling ngei tura zir tur a ni. Chu chu chhungkaw tan leh mahni tan ngei pawh a \ul. School leh college zirlaite pawhin chawlh chhungin an nu leh pate \anpui tur a ni.
Chhungkaw hmasawnna ngaihtuah: |halaite hi chhungkaw tinah thil chinchang hria, thil tih dan zei leh he zau zawk an ni a. Chhungkaw intodelh leh phuisuina lam ngaihtuah te, kawng zawnga nu leh pa finchhuah theitu an ni a. Hna leh tih tur a awm a, “Ka peih lo, ka hman lo” tih \awngkamte hi hman reng reng loh tur a ni. Chu ai chuan, “Engtinnge thawk ila \ha ang,” tia kawng daptu tur an ni. John Bosco (1815-1888) chuan ramhuai thang kam, \halaite awm duhna ber chu ‘thatchhiatna thang hi a ni’ a ti. |halaite hian ngaihtuahna tak tak senga chhungkaw hmasawnna tura rilru an sen hun hunah chhungkua chuan hma a sawn mai dawn a ni.
Chhungkaw khawsakna kawnga thil \ul apiang hreh lova thawh nghal: Chhungkaw khawsakna peng hrang hrangah hian chet nghal ngaihna a tam mai a - Insuk, thingphurh, gas lak, tui chawi, ei rawngbawl, in leh a vel tih fai etc. Mizo te hi hmeichhe hna, hmeichhe tih tur awma hre tlat hnam kan ni hi a buaithlak chin a awm a. Mipa nih vanga chhungkaw thil \ul hmeichhe tiha dah vek tur intum sem te, tih hun insiam rem te hi \hatna lai riau a awm fo. Tih tur apiang hi hlim takin, phur takin, tha tho takin, nuam ti hmel taka tih tur a ni. peih lo hmel hi thil hmuhnawm lo bertte zinga mi a ni. Tih tur awma mu rei, a awm loha tho hma i nih loh nan hma takah tho \hin ang che. Kum tluan ni chhuak hmu lo tan chuan \hat lai hun hi \angkai tak, sawt tak leh hlawk taka hman theih a ni lo.
Chhungkaw boruak \ha siam: Eizawnna thil avang te, fate avang te, nitin hnathawhna thil avang te, kohhran leh khawtlang thil avang te leh thil dang avangte pawhin nu leh pate hian phurrit nasa tak an phur fo \hin. Chung avanga an rilru a buaia, an hriselna ten a tur loh nan \halaite chuan nu leh pa leh chhungkua tizangkhaia tihhlim zawng te, awm dan leh \awngkam hmang pawhin tih theih tam tak an nei. “Ka nu, ka pa, lungngai mah ta che u, kan awm alawm,” tih \awngkam te hian nu leh pa rilru hah nasa takin a chhawk thei a ni. Chhungkaw boruak rit leh hrehawmah pawh fiamthu hmangin emaw, \awngkam zangkhai leh boruak \ha lo tireh zawngin \halaite hian harsatna kan sukiang thei a ni tih hriat a, a hun takah inrawlh thiam tur a ni.
8. |halaite leh Social Media: Kristianna kan rama a rawn luh a\anga kum 100 kan thlen meuh chuan kan Zorama thleng tura kan ruat leh ngaih lem loh tam tak a thlengin a lo la thlen belh zel dawn ni te pawhin a lang. Thil tam tak kan ramah a rawn lut anga; chung hmang thiama hre thiam thei tur chuan Pathian hre reng chunga khawvel taka kan inher rem a pawimawh dawn  a ni.
Tun laiah heng Social Media - Facebook, Whatsapp, Instagram, Hike, Telegram, Twitter etc. te hi a \hang chakin a lar chak em em a, hre lo pawh kan awm áwm lo ve. Heng te hi a \ha zawng hmang tam tak kan awm laiin a chhe zawnga hmang pawh kan tam. GSMA intelligence ten survey an neih naah chuan khawvelah hian Mobile Phone hi mihring let nga zetin a tam zawk tih an survey report ah chuan an hmuchhuak a. Tin, ni 1 ah kan mobile Phone hi vawi 110 vel zet khawih/chat angin apps-locket te survey na a ni bawk a (Hetiang zat hi nitin Bible han keu \hin ta zawk ila!). Tuna technology leh media kan hman danah hian; Isua hnung zuitu ni awm renga mawiin social media lamah te hian thil kan post/comment em? Krista thu hretu kan nih ang ngeiin kan fimkhur tur a ni. Silent night, UK-a pawl pakhat chuan mi 500 chuanga survey an neih naah computer leh mobile khawih nana hun kan hman chhung hi kan mut chhung aiin min 20 velin a rei zawk tih an survey reoprt-a a lan dan chu a lo ni leh ta a. |halai tam tak hi chu mahni thawhchhuah ei tum lo, ruzai hnuaia a thim chhung mu thei, nu leh pa inchawm hlum tir kan tum emaw tih mai tur hian hna thawh nachang hre lo va awm awl kan kat ta nuk mai. ‘Khawi maw’ kan pai a, vala lu ni lovin Nu leh Pa lu a hai ta!
Mi \henkhat chuan social media te hi \henrual pawl hman lo lek leh mi ngaihsak lo va buaipui kan kat ta nuk mai, \hian hming pu si hmel hmuh loh lah kan ngah! |hian kan ngah tual tual a, \hian \ha kan nei tlem tual tual thung a ni lawm ni? Facebook, Instagram. Twitter etc. velah thu/thlalak eng pawh kan lo post a, likers/comment tu te kan ngah viau \hin ang, a ruk chuan kan hlimin kan lo lawm veng veng \hin. Heti zawng hian ngaihtuah ta ila, Social Media hi Pathian rawngbawl nan kan hmang thei a ni.  Followers, likers te pawh kan lo ngah viau a ni maithei, mah se khang kha chu a khawvel lam thil a ni a, chu aia pawimawh chu keimahni kaltlang hian Lal Isua hian likers, followers a ngah ve ang em?
Tunlaiah chuan Khawvel network hi kan ipte ah kan ak a ni ringawt tawh. Kum 10 hmalam kha chuan chhim lama thil thleng kha hmar tawp a miin a hre nghal ngai lo. Tunah erawh chuan min 2-1 hnuah a hre nghal. Heti ang khawp hian Social media hian min chiah hnehin chhungkaw tin min luhchhuah tawh a. Mizo te hi social life uar hnam kan nih ang bawkin social networking pawh a nuam kan ti thawkhat e! kan vantlang nun hloh tial tialin roomah kan inkhung bova, chu Social Networking chuan mahniin min awm tam tir a, \hian hova titi nak nak aiin kheuh neuh neuh kan thlang a, kan khi tak vur vur hlawm a. Kan vantlang nun kan hlamchhiah a, chu chuan taihmak aiin thatchhiat naah min hruai lut a. Ai upa zah, tlawmngaihna, rinawmna leh Zonun zemawi pawh a nep ta tial tial ni te pawhin a lang. Nu leh pa pawh pasal nei reng si in ti nulâ tlat te, nupui nei reng si tlangval tlat te kan kat ta nuk mai. Fake account siam te, inti mualpho zawnga thil post te leh thu chiang zawk hre mang hlei lova thil post ringawt te hi fimkhur ila; mi career kan tichhe thei a ni tih hriat tur. Miin dan anga an kalpui chuan a hremna pawh a na thawkhat viau a ni. Chuvangin media hrang hrangte hi a \ha zawng, a \angkai zawnga hmang turin infuih sauh sauh ila, mi nun harsatna ruama awmte chhanchhuah nan te, Pathian thu leh \angkai inhrilh hriat nan te, mi dangte tana \angkaipui tur leh kan rawngbawlna atana hlawkpui nana hmang zawngin, sawtpui nan i hmang \angkai ang u.
9. |halaite leh lehkhabu chhiar: K|P member thil chinchang hria, hre zau, a bul thuma thil hre mi, belhchian dawl, pa rawn ni tur chuan lehkhabu chhiar mi nih a ngai. hrilhfiahna bu te, inkaihhruaina bu te leh lehkhabu chi hrang hrang chhia zau mi nih a ngai. Chutiang mi chu an thu a rilin a hausa nge nge \hin. Lhkhabu i chhiar pawhin kohhran lehkhabu - Synod Literature & Publication Board (SL&PB) in a chhut te, kohhran chanchinbu hrang hrang e i chhiar \hin dawn nia. A hrisel duh nge nge. Chutichuan kohhran hawiher i hre thuai ang. Synod bu te hi chhiar mah teh - Synod rawngbawlna - Dept. hrang hrang rawngbawl dan i hria ang a, Tuikuk thufingin “Bengvar i duh chuan Maipawl pu rawh,” tih angin, i beng a lo var sawt mai ang!
10. Hre reng ula, zir rawh u: Russia leh United States of America (USA) danglamna chu an hruaitu thi tawhte chunga an rilru put danah a lang. Russia chuan an ram hruaitu thi tawhte chu thup bo hlen a, hruaitu \anglai vawrh lansarh an duh tawk a; USA erawh chuan an ram hruai lo ni tawhte chu an thih hnuah pawh, a la dam laite pawh an thiltih \hat te sawi chhuak lehin, a theih ang angin an lam chhuak thar leh \hin. A chhan pawh tun dinhmuna an ram hruai thlengtute an nih avang a ni.
E. Lungdar Kohhran K|P in Diamond Jubilee a lo thlen takah hian kan K|P hruaitute (OB) hmasate kha sawi kim vek seng lo mah ila, chatuan rammin pansan tate tal kha chu an hming lam chhuak leh ila.
Upa Lalchhawna (Leader hmasa ber), Upa C. Lalruma (Leader), Upa Lianchhunga (Leader), Pu Khuanglawma (Asst. Leader), Pu Zo\huama (Asst. Leader), Pu Laltinchhawna (Asst. Leader), Upa Rochhunga (Treasurer), Pu B. Malsawma (Fin. Secretary), Pu Remlenga (Fin. Secretary).
Hebrai 13:7 ah chuan, “In hotu, Pathian thu lo hrilhtute che u chu hre reng ula, an awm dana thil chhuak chu ngaihtuahin an rin dan zir rawh u,” tih kan hmu. Hruaitu hmasate inpekna leh thawhrimna azarah keini \hangtharte hian an zar zovin an kuhmumah kan par a ni ber. Pathian leh anmahni avangin lawmthu i sawi ang u.
In hotu, Pathian thu lo hrilhtute che u chu hre reng ula: In hotu tia Hebrai ziaktuin a sawite chu Hebrai bung 11-a mi hratkhawkhengte, rinnaa fakhlawh kaltate kha an ni thei a; tin, Stephena emaw, Johana emaw te pawh kha an ni thei. keini \halai (K|P) tan chuan kan hruaitu hmasate - kan tana kawng lo sialtute kha an ni kan ti thei ang. Tin, Chanchin |ha min hrilh hmasatute pawh chu ni se, “Chute chu theihnghilh suh u, hre reng rawh u’ a ti a ni.
An awm dana thil chhuak chhuak chu ngaihtuah rawh u: Chung mite - Chanchin |ha leh rawngbawlna hringtute che u chu an nun dana thil \ha chhuak entawn tur an hnutchhiah che u kha ngaihtuah rawh u. A hrehawmah pawh, harsatna karah pawh Pathian an ring tlat a, entawnah insiamin Lalpa tan an inpe zo va, chung chu ngaihtuah chhuak thar fo \hin rawh u. An awm dan \ha, an thil \ha tih entawn tur apiang entawn rawh u min ti.
An rin dan zir rawh u: Hruaitu hmasate kha chuan a thim a var pawh thlei lovin, anmahniin kawng ansat chawp a, inhruaina dan mumal zui tur pawh an le nei lo va, ar khawthimdaiin an kal tawp a ni ber. Chutih laiin hmun tam takah sawiselnate an tawk a, “|halai pawlte an din a, eng an ang vak hlei lovang e,” ti tein mi \henkhat chuan an sawi a. Chutiang karah chuan rawngbawlhna an lo thawk a ni. ‘Pathian an rin avangin’ tih angin harsatna leh sawiselna karah pawh he K|P hi a lo din khawchhuah theih nan an bei a. Chutianga Pathian ring tak taka rawngbawl tura chhandam hna phur chhuaktute rin dan chu i zir zel ang u. Tuna ka rin dan leh rawngbawl dan hian kan hnunga \hangthar lo awm zel turte nihphung tur a hril si a.
Chutichuan he Diamond Jubilee kan lawm hian mi dangte hriatthiamna leh ngaihdamna thinlung min siam sela. Tun leh nakin atan etawn tur \ha hnutchhiah ila, K|P in a mawhphurhna leh a tih tur \henkhat kan han sawi takte pawh kha chhiar liam mai lovin \angkaipui tur a awm a nih ngai chuan \angkaipui nan hman tum ila. Phîli ruai lovin, sual kalsana thil \ha tu tura siam kan nih hre rengin \hangthar zela K|P lo awm turte tan thil \ha i hnutchhiah ang u.

CHANCHIN THA HI HRIL RAWH U

-Rev. Thangzauva
Ex-Moderator

Kum 2012 Synod Chanmari Kohhran Biak In-a nghah a nih \um khan kan rama Chanchin |ha thlen ni atan March 15, 1891 rawtna Serlui Presbytery a\anga lo lut chu Synod chuan ‘Rawtna lo lût ang hian March 15,1981 hi Zorama Chanchin |ha thlen ni atan kan pawm a, hemi ni kalpui zel dan tur leh a\ul apiang chu SEC-in lo siam rawh se kan ti’, tiin a rel a (Synod 2012:22). Mi \henkhat chuan Gospel Centenary pawh kan lawm tawh a, a hun sawn a \ul em ni? tiin kan zawt rilru mai thei e. Kan hriat tur erawh chu Chanchin |ha Mizorama rawn hril hmasa ber Rev. William Williams-a lo kal kha ngainepa kan rama Chanchin |ha arawn hril theihnghilh luih chu a rem lo a ni ang. Pu Liankunga khua Mualvum-a Mizo naupang pariat vel Bible milem te sema, Pathian thu a hril hi Pu Buanga leh sap upate lokal (Jan. 11, 1894) aiin a hmasa zawk a; chuvangin Mizorama Chanchin |ha rawn hril hmasak ber hun chu siam \hat awm chu a lo ni ngei a ni. Chuvangin pawm thiam loh tur a awm lo ve.
Rev. William Williams-an Feb. 7, 1891-a Khasi a\anga Wales rama Missionary Board Secretary Mr. Thomas-a hnena Mizorama Chanchin |ha hrila lokal a chakzia a sawi, a lehkha thawn chu -
“Khawvelah Chanchin |ha chauh hi an zinga inremna thlen theitu a ni. Ka kal hi Pathianin rem a ti lo a nih chuan, ka thinlunga duhna hi mi dangah dah rawh se,” tiin. He tiangin Chanchin |ha hril chungchang lo sawi zui ila.

Chanchin |ha chu engnge ni: Chanchin |ha chu Isua Krista leh a chhandamna hnathawh hi a ni. He thu hi mi zawng zawngin an hriat kim hma chu hril zel tur a ni a. Chu Chanchin |ha hril tur chuan Isua Krista ringtu, Lal leh chhandamtua neitu apiangten mawh an phur.

Chanchin |ha chu remna chanchin \ha a ni: Lal Isua a lo pian khan van mite chuan ‘Lei chunga a lawm em em mihringte hnenah remthu leng rawh se (Mk. 2:14) an ti. Rev. William Williams-a pawh khan, “Khawvelah Chanchin |ha chauh hi an zinga inremna thlen theitu a ni,” a ti. Van leh khawvel inremna thlen theitu zinga inremna leh mihring khawvel inremna te, mihring zinga inremna leh mihring leh thilsiamte hnena remna thu hi hril zel tur a ni.

Chanchin |ha chu hmangaihna, khawngaihna leh thu tak thu a ni: Khawvel hmangaih vanga Lal Isua pêk kan nih dan te, chu Pathian hmangaihna chu Kraws-ah tihlan a ni a, chu chu chatuana nunna kan neih theihna a ni a. Hmangaihtu leh khawngaihtu, lainattu Pathian thu hi mitin hnena puandarh zel tur a ni.

Tuten nge Chanchin |ha chu hril ang? Zawlneiten, “Lalpa thu chu ka hnenah a lo thleng a,” an ti \hin. Pathian thu thlenna apiangten Pathian Chanchin |ha thu hi hril mai tur a ni. A hre ve lo, vei ve lo, ngai pawimawh lovin a hril tak tak theih loh.

Chanchin |ha chu engtia hril tur nge: Chanchin |ha chu - Mahni,          \awng\ai thilpek, nun leh thiltihin kan hril ang. Heng hmang hian, a eng emaw hmang tal hian Chanchin |ha hi kan hril thei vek. Tumah awm thei, hai thei kan awm lo - kan zaa mawhphurhna a ni.

Engtikah nge kan hril ang: Paula chuan “Tun hi hun lawmawm chu a ni a, tun hi chhandamna ni chu a ni,” a ti. Chanchin |ha chu ‘tunah’ hril tur a ni. A hmanhmawh thlak - “I kiangah thimah mi an thi, thlanah thlamuanna nei lovin’.
“An hnena Chanchin |ha hrila min kotu mi tam tak tan hun \ha kan neih lai hian i thawk thuai ang u. Lalpan a thu malswm rawh se. Amen.

THUPUAN ZIR |ANPUITU

Rev. Thangzauva

            Thupuan hi Apocalyptic Literature zinga mi a ni a (Gk. Apo = away from; Kalupsis = to hide). Thil inthup leh biru hailanna a ni. Chhinchhiahna leh entirna hmanga thil sawi a tam hle. A hun laia mite tana hriat mai theih, a hnua mite tan hriat harsa tam tak a awm (eg. Sakawlh). A ngial a ngana pawm loh tur a awm nual a Eg. Ni 10 hrehawm in tuar ang (2:10); kum 1000 chu a vei hma loh chuan (20:3). Chutih laiin pawm tur a awm \euh bawk Eg. Arsi pasarih chu kohhran pasarihte tirhkoh an ni a; khawnvar pasarih chu kohhran pasarihte chu an ni (1:20). Thupuan ziak lai vela Rom Lalber, Kristiante nasa taka tihduhdahtu chu Domitian-a a ni a. Ani hian "Kan Lalpa leh Pathian" tia koh a, pathian biak a phût a. Lal Isua bâk Lal dang nei lo Kristian-ten nasa takin an dodal a; chuvangin, an tuar a, an matar a. Chung hun laia ringtute thlamuan nan Thupuan hi ziak a ni a. Tuar rih mah se, hnehna an la chang dawn - 'Hnehna chu Lalpa ta a ni'. Khawvel pawh hi kan Lalpa leh a Krista ram a la ni ang a, ani chuan chatuanin ro a rel ang (11:15).

PATMOS

        Patmos, tuna Patino an tih, mihring 4000 vel chenna, Greece leh Turkey inkara awm, a dung mel riat vel, a vang mel li, Mileti chhim thlang lam Km. 59.2 vela hla, Mediterenian Sea hmar thlang lam Aegean Sea thliarkara awm hi Rom Sorkarin an mi duh loh zawng hnawhbo/tantir nana an hman \hin a ni a; Eusebius-a chuan Johana kha Rom Lalber Domitian-a khan AD 95-ah Patmos thliarkarah a hnawt bo a, thla 18 hnuah Nerva chu Lalber a lo nih khan chhuah leh niin a sawi. Patmos-ah hian thupuan pûk a awm a, chu chu Johanan inlarna a hmuhna hmun a ni (Thup. 1:9).

NUMBAR

             Thupuan bu hian Numbar vawi 177 lai a hmang a, awmze thuk tak a neihtir. A ki pui berte chu 7, 10, 12, 24, 42, 666, 1000, 1260, 12000, 144000 te hi an ni. Number pathum chu thlarau khawvel entirna a ni a; 4 chu lei lam; 6 chu mihring number; 7 chu Pathian numbar leh famkim sawina; 3½ chu famkim lo entirna. Kum 3½ te, thla 42 te, ni 1260 te hi a rei lam thuhmun, awmze thuhmun neia hman \hin a ni.

ENTIRNA

             Ramsa, ran, mihring, sava te pawh entirna neia hman a ni a. Sakeibaknei chu chakna; Sakei - nurawng; savawm - rûk rûk; Kel - Sual (evil); Beram - inthawina; Bawngpa/Bawng la - Chhelna; Mupui - thlarau lama thûk; mihring hmel - finna.

             Rawng pawh awmzia an neitir a. A var - hnehna; A sen - indona; A dum - \am; a dâng - thihna; a hring - nunna; A senduk - lalna.

             Pathian thilsiam dangte pawh awmzia an neihtir zel a. Ni thim, thla thisen chang, arsi tla - rorelna rapthlak; Lirnghing, thlipui, rial, mei, meikhu, Vaivut - chhiatna; khawmual leh tuifinriat - Sakhaw dik lo leh Sorkar dik lo.

SAKAWLH

             Thupuan bu ziah a nih lai vela Rom lal indawt dan te chu:-

     Kaisara Augusta-a (BC 27 - AD14)                    Tiberia Kaisara (BC 14 - 37)

     Caligul-a (AD 37 41)                                            Claudia (AD 41 - 54)

     Nero Kaisara (AD 54 - 68)                                   Galba-a (AD 68 - 69)

     Otho-a (AD 69)                                                     Vitellius-a (AD 69)

     Vespatian-a (AD 69 - 79)                                     Titus Flavius-a (AD 79 - 81)

     Domitian (AD 81 - 96)                                          Nerva (AD 96 - 98

             An zingah hian Nero-a leh Domitian-a te hi an lar hle a, Kristian ten Sakawlh-a an puh ber te pawh an ni. Sakawlh hi hlau suh; a hote tan lo chuan a hlauhawm lo, Lal Isua leh a zuitute tan chuan hnehsa a ni. (Thup. 17:14).

Sakawlh-a an puh tawh kan hriat te chu:-

1. Goga Magoga (Ezek. 38: 1-3)                           2. Antiochus Epiphanes-a (Dan. 7:8)

3. Gnostic-ho (1 Jn. 2:22)                                     4. Rom lalte leh Sorkar (Thup. 13:1^ff )

5. Asia rama Sorkar leh thuneitute                   6. Caligula leh Simon Magnus-a

7. Pope                                                                   8. John Knox

9. Martin Luther                                                  10. Napoleon Bonaparte

11. Stalin                                                               12. Adolf Hitler

13. Mussolini                                                        14. Communist-ho

15. WCC                                                                16. European Common Market/

17. Euro                                                                       European Economic Community

18. Bible Society                                                   19. Barrack Obama   20. UID

THUPUANA BUNG 13-A LU 7 LEH KI 10, ROM LALTE CHU HENGTE HI AN NI

Sl.No	Lu Sarih (10)		Ki Sawm (10)	An Lal Kum
1	Kaisara Augusta	1	Kaisara Augusta	BC 27 - AD14
2	Tiberia Kaisar-a	2	Tiberia Kaisar-a	AD 14 - 37
3	Caligul-a	3	Caligul-a	AD 37 - 41
4	Claudi-a	4	Klaudi-a	AD 41 - 54
5	Nero Kaisar-a	5	Nero Kaisar-a	AD 54 - 68
		6	Galba-a	AD 68 - 69
		7	Otho-a	AD 69
		8	Vitellius-a	AD 69
6	Vespatian-a	9	Vespatian-a	AD 69 - 79
7	Titus Flavius-a	10	Titus Flavius-a	AD 79 - 81
			Domitian-a	AD 81 - 96
			Nerva	AD 96 - 98

 

KUM 1000 ROREL

      A thu hi ngun taka zir chuan Thupuan ziaktuin inlarna a hmuh a\anga kum 3½ a ral hnu emaw-a lo thleng tur a ni a. Chumi huna rorel turte pawh - Krista thuhretu, Pathian thu avanga lu tante thlarau leh Sakawlh leh a lem chibai buk duh loh avanga thi-martarte thlarau an ni (Thup. 20:4). Thupuan ziaktu inlarna hmuh ang chu ni ta sela, kum 1000 rorel hi AD 100 vela in\anin kum 1100-ah chuan a tawp daih tawh tur a ni (Ch\). Origen-a (AD 184 - 254) chuan khawvela kum 1000 rorela, nuamsa taka khawsa tura inngaihna chu tisa rilru hlein a hria a, Krista tâna rinawmte chu van lawmnaah an lut dawn a ni tih entirna niin a sawi. St. Augustin-a (AD 345 - 430) chuan rorelna hnuhnuing nei tura Krista lokal leh hma chuan Isua lokal leh \um hnihna hi a awm a ring lo. Isua lokalna erawh chu kohhran leh a member-te zingah hian eng lai pawhin a thleng reng a ni. Krista ho-a kum 1000 rorel chu Isuaah khan \an a ni tawh a. Kohhranah hian mithianghlimte chuan ro an rel reng a ni" a ti. (Augustine, The City of God - XX. 6-7). Tawi tein hetiangin a sawifiah "Kum 1000 rorel chu thlarau lam thila Kristan a mite ro a relna hi a ni" a ti. Rev. Dr. Lalsawma chuan, "Isua Krista lo pianna leh a lokal lehna inkarah ram ruak ka hmu lo," a ti Presbyterian Kohhran pawn dan chu, 'Kum 1000 rorel hi niin a thlarau nuna hmasawn nan leh chakpui nan a hman chuan a sual lo ve, an pawm duh lo a nih pawhin a sualna a awm lo'. "Kum 1000 rorel hi ringtu tihduhdah tuarte thlamuanna leh tisa taka Krista beiseina a ni" (Tz).

CHHINCHHIAHNA

Ringtuten chhinchhiahna an hman lar ber chu Kraws a ni

1.    Latin Kraws = …

2.    Sangha an hmang lar hle bawk. Grik \awngin sangha chu IKTHUS an ti.

I        =    Iêsous    =    Isua

K      =    Kristos  =    Krista

TH   =    Theos     =    Pathian

'U     =    'Uios      =    Fapa

S       =    Soteria  =    Chhandamtu

      Tichuan, Sangha chu 'Isua Krista Pathian Fapa Chhandamtu' tihna a lo ni reng a. Sangha lem an hmuh chuan ringtute chuan thil awmzia an hre thiam mai \hin.

THUPUAN BU TLANGPUI

Hei hi rilrua hriain Thupuan hi chhiar teh

1.    Thuhmahruai (1:1-20)

2.    Kohhran pasarih te hnena lehkhathawn (2:1-3:21)

3.    Vanram Lal \hutthleng pindan chhunga thil hmuhte (4:1-5:14))

4.    Chhinchhiahna 7, Tawtawrawt 7, Berhbu 7 (6:1-16:20)

5.    Thu inthuah : Kohhran chungchang leh Indona (&:1-17; 10:1-11; 13; 12:1-14:20)

6.    Krista dodaltu leh Pathian khawpui (17:1 - 22:5)

7.    Tlipna (22:6-21)